– I dag gjekk det veldig lett, seier 17-åringen frå Aurland rett etter målpassering.

Sander Sekkingstad Terum leverte eit knalløp frå start til mål. Han låg fint plassert på andreplass gjennom storparten av løpet.

– Etter tre rundar drog han som leia i frå, og det vart ei luke både framover og bakover, seier Sander. Mot slutten vart han pressa og forbisprungen, men tok att det tapte på dei siste 200 metrane og sikra seg sølvet.

Her er den nye personlege rekorden, og den nye aldersrekorden i fylket: 6.08.06.

Andre resultat

I klasse 15 år, strekte Martin Hollevik frå Jotun seg til 5,69 i lengdegropa. Det heldt til femteplass.

På 2000 meter hinder i klasse 18/19 år blei det åttandeplass på Dag Einar Bøtun frå Vik med tida 6.39.88. Sigbjørn Bøtun, Vik, kom på plassen bak med 6.41.84.

I same årsklassen vart Ole Petter Loftesnes, Syril, nummer fire og sist i finalefeltet på 400 meter kekk. Han fekk tida 58.99.

Øystein Øyre, Syril, kasta spydet 43.46 meter og enda på tiande plass.