På tredje forsøk lukkast det for sogndalsdamene å ta steget opp i 3. divisjon etter klar siger over Dale. Heimelaget tok straks føringa i kampen og leia med ti mål etter 17 minutt. Dale på si side gjorde god motstand, men kom ikkje nærare enn seks mål i 1. omgang.

Parademarsj

Stillinga ved pause var 17-9, og Sogndal gjekk rein parademarsj om opprykk dei første ti minutta etter kvila. Så følgde ein periode der Dale jobba seg fram til 25-19, men Sogndal var i realiteten aldri truga. Med solid 28-21 siger var seriemiesterskapen i 4. divisjon avdeling 10 sikra. Meir om opprykket i måndagsavisa.