Hovedlandsrennet i Alta samla 15 og 16 år gamle skiskyttarar frå heile landet.

15 år gamle Eirinn Teigen Kvåle frå Vik plasserte seg best på resultatlistene av dei som deltok frå Sogn. Ho tok 10. plass under normaldistansen fredag og fekk ein 9. plass under sprinten på laurdag.

Marielle. H. Årevik også frå Vik tok 24 plass fredag, men ramla ned til 40. plass på sprinten. Joar Turvoll, Vik, vart nummer 56 på normaldistansen og nummer 28 av 117 startande på sprinten.

Søndag var det stafett. Då gjekk Joar Turvoll på mixlaget frå Sogn og Fjordane som tok ein bronseplass. Dei andre på laget var Martin Løvlid og Karl Aksel Wangen Owren.