I alle fall når det er snakk om handball på u19-nivå. Trass i at stortalentet Hege Bakken Wahlquist (17) har teke del på fleire treningssamlingar saman med ungdomslandslaget, har ho framleis til gode å spela ein offisiell kamp med flagget på brystet.

Første kamp

Det vert det truleg ei endring på no, for måndag kom meldinga om at Wahlquist er utteken til firenasjonarsturnering i Danmark i påsken.

– Eg er kjempeglad, sjølvsagt, spesielt fordi eg ikkje har vore med i kamp før. Dette gler eg meg verkeleg til, seier Hege, som er ein av to debutantar i troppen denne gongen.

I god form

Ho ser no fram til å feira påske i flatlandet, der troppen skal innkvarterast i Kolding på midt-Jylland. I tillegg til vertsnasjonen, stiller også Sverige og Frankrike i turneringa.

– Eg føler at forma er bra akkurat no. Har trent godt i det siste, slår Hege fast, på veg til Berlin saman med klassekameratane frå Årdal vidaregåande skule.

– No skal eg slappa godt av medan eg er her og vera klar til innsats når eg kjem heim, seier ho.