Fotballtinget på Lillestrøm hadde heile 79 innkomne framlegg som skulle handsamast og røystast over, og det var difor både tilleggstid og ekstraomgangar før ein var ferdig.

Mellom anna vart det vedteke ei ny ordning for 3.divisjon menn, noko som inneber at talet på avdelingar i tredjedivisjon vert redusert frå 24 til 12 – ti i Sør-Noreg og to i Nord-Noreg. For å få dette til, vil berre dei seks beste laga i kvar avdeling halda plassen denne sesongen.

Den nye ordninga inneber at det ikkje lenger må spelast kvalifisering for opp- eller nedrykk, og skal gjelde frå 2011.