Årdal FK har leverte solide resultat i treningskampane, med sigeren mot storebror Sogndal som ein høgdare. I dag var 2. dvisjonslaget Stord motstandar i Sognahallen.

Gjesten gjekk til apuse med 3 - 0, leiing. Så starta Årdal opphentinga.

– Me har vunne treningskampane så langt, men ikkje alltid vore bra spelemessig. Slik var det også i dag, seier Årdal FK-trenar Nils Tore Krosshaug, og var ikkje nøgd med det disiplane viste før pause.

Natt og dag

Etter pause fekk årdølene spelet til å sitja langt betre.

– Andreomgangen er bra, seier Krosshaug, som gjorde viktige grep i pausen.

– Me la om litt, seier Krosshaug. Og det gav resultat. Dei siste 45 minuttane held Årdal tett bakover og scora fire gonger ved Preben Strypet, Daniel Eide, Tim Teigen og Christian Stedje.

– Å liggja under med tre til pause og snu kampen mot eit andredivisjonslag slik me gjer i dag viser mental styrke blant spelarane, seier Krosshaug.

Andre treningskampar:

Sogndal 2 - Løten 3 - 1 (fredag)

Fjøra - Stord 2 - 5 (fredag)

Fjøra - Dale 3 - 2 (laurdag)

Kaupanger - Løten 1 - 0 (laurdag)

Radøy - Vik 1 - 4 (laurdag)