Råsterk siger

Han fekk gull under NM i benkpress i Sande i helga. Arild Kråkenes, som også representerer Veitastrond, fekk bronse i NM. Også ein tredje deltakar frå Sogn, Per Arinn Solli, som representerte klubben Odin, fekk ein fjerdeplass i klassen yngre veteran med 125 kilo. Han stilte i nittikilosklassen.

Rekordforsøk

Heggestad stilte i klassen minus 90 kilo og fekk opp eit løft på 230 kilo. Det heldt til siger. Heggestad prøvde seg også på norsk rekord med 241 kilo, men det gjekk ikkje i denne omgang.

Arild Kråkenes i klassen minus 110 kilo, hadde ikkje marginane på si side under stemna i Sande. Han starta på 215 kilo, noko som gjekk greitt. Så greitt at han like godt la vekta opp på 230 kilo, som i tilfelle ville ha vore norsk rekord. Han fekk opp vekta, men var uheldig og kom borti stativet. Dermed vart løftet underkjent.