Heile 540 løparar fullførte løpet som har det høgstliggjande målet i Nord-Europa på 2.068 moh. Løpet, som blei ein stor suksess gjekk under praktfulle løpsforhold.

– 540 personar i mål på 2.068 moh er nord-europeisk rekord. Dette er ikkje berre årets største og høgaste opptur til 2.068 moh, det er tidenes største og høgaste ! Aldri tidlegare har det vore så mange menneske samtidig i mål på ein fjelltopp over 2.000m, jublar sjefsarrangør Christian Prestegård.

Anita Håkenstad Evertsen, Øystre Slidre IL innfridde favorittstempelet og vann ein suveren siger på ny løyperekord 1.05.53, over 13 minutter føre Marthe Katrine Myhre, Gjøvik Skiklubb og Merete Helgheim Gloppen FIL . Anita vann sitt tredje strake NM-gull i motbakkeløp.

Det gjorde også favoritten i herreklassen Jon Tvedt , Gular, som vann på ny løyperekord 57,23 foran Kristen Skjeldal , Voss Friidrett og Arne Post , Oppegård IL ( årets verdsmester i vinter-triatlon)

Topp 3 menn:

1. Jon Tvedt, Gular IL 57,23

2. Kristen Skjeldal , Voss Friidrett, 59,42

3. Arne Post, Oppegård IL, 1.00,53

Topp 3 damer:

1. Anita Håkenstad Evertsen, Øystre Slidre IL 1.05,53

2. Marthe Katrine Myhre, Gjøvik Skiklubb, 1.19.12

3. Merete Helgheim , Gloppen, 1.19.33

Fullstending resultatliste finner du her : www.fanaraaken.com