Syril er oppe på 18 poeng og tok eit nytt steg mot opprykk. No er det fem poeng ned til Gaular på tredjeplass.

Eid 2 sette eit støkk i heimepublikumet då dei gjekk opp i leiinga tidleg i kampen. Ein feil i Syril-forsvaret gjorde oppgåva lett for Johannes Myklebust. Men Syril slo raskt tilbake ved Jan Tore Slinde og tok fullstendig over kommandoen i kampen. Tre nye mål signert Joar Slinde, Tommy Hildeskor og Erlend Husabø sikra heimelaget 4 - 1 - leiing til pause.

Etter to nye nettkjenningar av Jan Tore Slinde i starten av andre omgang gjekk kampen inn i ein daudperiode. Jim Huberstad reduserte for gjestene før Syril vakna og sette inn sluttspurten, anført av ungutane på laget. I løpet av dei ti siste minuttane noterte Stian Nornes seg for to nettkjenning, før ein annan av dei unge talenta, Ruben Tøfte, fekk æra av å avslutta målshowet med å setja inn 9-2.

Det høyrer med til historia at Eid 2 ikkje hadde med seg innbytarar og måtte fullføra kampen med ti mann då Henning Haugen måtte ut med skade i andre halvdel av andre omgang.