GLAD: Redaktør Jan Inge Fardal og Sogn Avis fekk LLA sin journalistpris. (Foto: Gard L. Michalsen)

Henta heim journalistpris for barneverndekninga

Sogn Avis og redaktør Jan Inge Fardal tok gjev pris under landsmøtet til Landslaget for lokalaviser (LLA).

Publisert 14.04.2018 kl. 22.03. Oppdatert kl. 23.00.

LLA held landsmøtet sitt i Bodø denne helga og laurdag var det tid for den store prisfesten.


For to år sidan stakk Sogn Avis av med prisen som Årets lokalavis, i år er det Journalistprisen som blir med på flyet heim til Sogn.


- Dette var stas! Og eg set ekstra stor pris på dette på vegner av alle dei damene som måtte slutte i Sogn Barnevern, seier prisvinnar Jan Inge Fardal.


Grunngjeving

Sogn Avis fekk prisen for omfattende journalistikk rundt Sogn barnevern og juryen skriv følgjande i grunngjevinga:


"Mange journalistar har brent fingrane på å røre ved barnevernet. Det gjer det ekstra viktig med godt journalistisk arbeid på feltet.


I ein lang artikkelserie i Sogn Avis har redaktør Jan Inge Fardal gått systematisk til verks for å avdekkje tvilsame sider ved organisering og drift av Sogn barnevern; blant anna varslingssaker, omplassering av folk, mobbing, trakassering og sladda rapportar.


Det ligg eit uvanleg grundig og godt journalistisk arbeid bak sakene. Kommuneleiinga står att utan ære - i motsetning til avisa.


Sogn Avis fortener journalistprisen for 2017."


Les meir om: Siste Nytt Nyhende

Siste saker Gå til framsida