540 deltok i fjorårets konkurranse, men sidan det allereie er om lag 340 påmelde på noverande tidspunkt, meiner marknadsansvarleg Christian Prestegård at det nok ein gong går mot ny rekord.

– Det er vanleg at mange melder seg på heilt mot slutten, av den grunn kjenner eg med trygg på at det går mot historisk deltakarrekord, seier Prestegård.

Påmeldinga stengjer onsdag

I år stengjer etterpåmeldinga i konkurranseklassa allereie onsdag 6. august, så dei som vil melda seg på må gjera dette denne dagen.

Deltakarane i mosjonsklassa vert og oppmoda til å melda seg på innan denne fristen, men har sjansen til å melda seg på heilt inn mot løpsstart frå Turtagrø, mot eit etterpåmeldingsgebyr.

Knallhard konkurranse

Det var knallhard konkurranse om fyrsteplassen i år, då fleire av verdas beste motbakkeløparar skal utfordra løyperekordhaldar Jon Tvedt.

– Fire av dei beste i verda er påmelde. Desse er Martin Cox frå England, Rickey Gates frå USA og Urban Zemmer og Fulvio Dapit frå Italia. Så dette vert spanande, seier Prestegård.

Fanaråken Opp kan skilta med solide premiepengar i årets utgåve, om lag 400.000 kroner skal utbetalast i gevinstar i seks ulike løp.