Jølster starta kampen best, men Syril kom sterkt dei siste 25 minuttane av førsteomgang.

– Me var litt på hælane i starten. Det handla om å vinna krigen å koma inn i kampen, seier kaptein Joar Ølmheim. Det gjorde Syril-laget og fekk utteljing, først ved Jan Tore Slinde, deretter ved Terje Thorsnes og kunne gå til pause med 2-0 leiing. Og det kunne vore fleire.

– Me burde kanskje har punktert kampen i førsteomgang, seier Ølmheim.

Det gjorde heimelaget etter kvilen. Jølster hadde ein ball i nettet i starten av andre, men den annulerte dommar Torstein Kvam. I staden kunne Syril auka leiinga i det 55. minuttet på eit flott angrep som Erlend Husabø avslutta sikkert i hjørna. Tolv minuttar etter steig innbyttar Ruben Tøfte til vers og skalla inn 4 - 0 før nok ein unggut, Eirik Stensvand ordna 5 - 0 minuttet før slutt, også det med hovudet.

– Me har mange som kan gå inn og gjera ein god jobb, seier Ølmheim. Med sigeren passerte Syril Jølster på tabellen og nærmar seg laga i toppen av tabellen. Neste kamp er borte mot Hornindal. Med siger der har laget lagt alt til rette for ein spennande haustsesong.

Trond Vegard Ripe sette inn Jølster sitt trøstemål på overtid.

Kampfakta:

4.divisjon, Syril stadion

Syril - Jølster 5 - 1 (2 - 0)

1 - 0 Jan Tore Slinde, 2 - 0 Terje Thorsnes, 3 - 0 Erlend Husabø, 4 - 0 Ruben Tøfte, 5 - 0 Eirik Stensvand,

5 - 1 Trond Vegard Ripe.

Dommar: Torstein Kvam, Årdal FK

SYRIL: Geir Ove Røysum, Vegard Røysum, Helge Fimreite, Terje Kvam, Joar Strand, Cato Aalen, Joar Ølmheim, Bård Henjum (Tor Mikkel Tokvam frå 70.), Erlend Husabø (Ruben Tøfte frå 64.), Terje Thorsnes (Eirik Stensvand frå 83.), Jan Tore Slinde (Jan Remø frå 71.)