Eg synest det er eit paradoks at veljarane ikkje får noko som helst slags signal frå politikarane om den kanskje viktigaste saka dei skal styra med dei neste fira åra. Nemleg korleis dei tenkjer seg strukturen på dei vidaregåande skulane når elevtalet startar å gå nedover om tre<\a>fire år, seier Georg Arnestad.

Ikkje marknadsstyrt

FoU-leiaren ved Høgskulen i Sogn og Fjordane fortel at so langt er det berre Frp-leiar Frank Willy Djuvik som har signalisert noko slags standpunkt i saka.

Han seier at det må vera elevane sine ønske som avgjer kva skular som skal behaldast og kva skular som må avviklast. Eit ikkje ukjent Frp-syn, men slik eg ser det er dette lite aktuelt i Sogn og Fjordane. Fylket vårt er ikkje slik skrudd saman at me kan lata marknaden styra viktige oppgåver som opplæringssektoren, seier Georg Arnestad.

Har omstilt seg

Georg Arnestad helsar velkomen at fylkespolitikarane endeleg tek inn over seg at elevkulla blir mindre i åra framover. Han fortel at dette er noko han eigen arbeidsplass, Høgskulen, har budd seg på i fleire år no.

Mellom anna ved å sjå ut over eigen teig i jakta på studentar.

Me rekrutterer aktivt studentar frå nabofylka våre, både vestfrå og austfrå. Slik greier me å halda studenttalet oppe, trass i færre ungdomar frå eige fylke, seier han.