I ei innstilling har justisnemnda i Stortinget samrøystes gått inn for at det skal verta slutt med å sona på vatn og brød, sameleis fengsel med hard nattelege. Straffelovrådet, som har hatt saka føre tidlegare, har gjeve liknande tilråding.

I proposisjonen er det vidare gjort framlegg om straff for lyding på telefonen som ikkje er lovheimla. Dette skal òg gjelda for lyding av sume andre samtalar og møte for stengde dører. Dette gjeld vidare å ta opp det som vert sagt i samtalar og møte for stengde dører ved hjelp av magnetofon.

(Sogn og Fjordane, 27. oktober 1958)