I Luster kyrkjelydsblad for februar vert lustringane oppmoda om å gje stønad til utviding av gamleheimen og sjukestova.

Det er snart 30 år sidan Luster bygde gamleheim med tanke på at sjukestellet skulle få ha nokre rom til rådvelde. Mange tykte i den tid at huset var så altfor stort, og meinte det kunne vore mun i mindre. Men då nokre år var gått, tok det til å verta knapt om rom for dei gamle.

Gamleheimen og sjukestova er bygde av frivillige gåver, og det er årleg samla inn nokså mykje til drifta, so pensjonsprisen kan haldast so rimeleg som mogeleg.

(Sogn og Fjordane 10. mars 1958)