Dette er Norges lengste gulrot, dyrka av Per Aaberge på Hermansverk. Gulrota vart teken opp av jorda for ei knapp veke sidan og målte heile 49 centimeter.

S/SA har drive klappjakt etter rekordar for å få klårlagt kor stor gulrota er i nasjonal og internasjonal målestokk og enda til slutt i Skibsteds Forlag i Oslo som representerer Guinnes Rekordbok i Norge.

– Nei, vi har ingen registrerte gulerøter med slike lengder her i landet, så dette kan vi registrera som norsk rekord, seier Anne Fjeldberg i forlaget til S/SA. Dermed får vi tidenes første norske rekord i Guinnes frå Hermansverk.

(Sogningen/Sogns Avis, 13. oktober 1983)