Televerket måtte leita i fleire dagar før dei fann årsaka til dei dårlege telefonlinene mellom Sperleøyane og Fossøyane i Jostedal i førre veka.

Etter tre dagars leiting kunne ein konstatera at ei haglladning hadde gått inn i telefonkabelen og forårsaka så pass skade at det vart dårleg samband og overhøyring på linene. Etter alt å døma har ein Jostedøl i bakrus vakna litt seint til liv etter 1. mai-feiringa og sendt i veg ein forseinka salutt?

(Sogningen/Sogns Avis, mai 1983)