Fredag ettermiddag vart det rekvirert helikopter på hovudredningssentralen på Sola for å utføra ein sjuketransport frå Lærdal til Haukeland sjukehus i Bergen. På vegen inn fjorden kom helikopteret inn i ei kraftig snøbyge og måtte gå ned på Leikanger i påvente av at veret skulle letta.

Helikopteret kunne etter ein times venting ta av og kom då ned på Haukåsen, men i det dårlege veret var det uråd å koma seg vidare. Sjuketransporten vart i staden utført med eit av Widerøe sine fly som utsette ruta eit par timar og flaug i ambulansen til Flesland. Helikopteret vart ståande på Haukåsen til laurdag og returnerte då til Stavanger.

(Sogningen/Sogns Avis 21. desember 1982)